ایرانی جوہری پروگرام کے متعلق نیتن یاہو کا بیان من گھڑت ہے، روس

تسنیم نیوز نے روسیا الیوم کے حوالے سے بتایا ہے کہ روسی وزارت خارجہ کی ترجمان ماریا زخارووا نے ایرانی جوہری پروگرام کے بارے میں صہیونی وزیراعظم کے بیان کو غیر حقیقی اور من گھرت قرار دیاہے ۔

انہوں نے کہا کہ جوہری پروگرام کے بارے میں اظہار خیال کرنے کا اختیار بین الاقوامی ایٹمی ایجنسی کے پاس ہے اور اسرائیلی وزیر اعظم نیتن کے بیان کی کوئی اہمیت نہیں ہے۔

روسی وزارت خارجہ کی ترجمان نے کہا کہ ماسکو کے نزدیک ایران کے ایٹمی پروگرام کے بارے میں بین الاقوامی معتبر اداروں کی تائید شدہ رپورٹ ہی معتبر ہے اور روس کے نزدیک غیر معتبر اور غیر مؤثق بیانات کی کوئی اہمیت نہیں ہے۔

 ترجمان نے کہا کہ ماسکو مشترکہ جوہری معاہدے پر اس وقت تک پابند رہے گا جب تک تمام فریق اس عمل پیرا رہیں گے۔