ترک صدر اردوغان کا صدر تحریک کے سربراہ مقتدی صدر سے فون پر رابطہ

خبر رساں ادارے تسنیم کے مطابق ترکی کے صدر رجب طیب اردوغان نے عراق کی صدر پارٹی کے سربراہ مقتدی صدر سے ٹیلیفون پر عراق سمیت علاقائی اور بین الاقوامی سطح پر تازہ ترین صورتحال کے بارے میں تبادلہ خیال کیا۔

النشرہ نے رپورٹ دی ہے کہ ترک صدر نے مقتدی صدر کیساتھ علاقائی اور بین الاقوامی بالخصوص عراق کی تازہ ترین صورتحال کے بارے میں گفتگو کی۔

اس موقع پر ترک صدر نے مقتدی صدر کو پارلیمانی انتخابات میں کامیابی پر مبارک باد پیش کی۔

واضح رہے کہ صدر تحریک کے سربراہ مقتدی صدر گزشتہ ہفتے ہونے والے پارلیمانی انتخابات میں واضح برتری حاصل کرچکے ہیں۔