روس کے ہاتھوں شرمناک شکست پر سعودی فیڈریشن کا فٹبالرز کیلئے سزا کا اعلان

روسی فٹ بال ٹیم کے ہاتھوں ورلڈ کپ کے افتتاحی میچ میں پانچ صفر کی شرمناک شکست نے سعودی عوام کو مایوس کردیا ہے جس پر اس ملک کے فٹبال فیڈریشن کے سربراہ نے طیش میں آکر کھلاڑیوں کو سزا دینے کا اعلان کردیا ہے۔

روس کے ہاتھوں شرمناک شکست پر سعودی فیڈریشن کا فٹبالرز کیلئے سزا کا اعلان

خبر رساں ادارے تسنیم کے مطابق روسی فٹ بال ٹیم کے ہاتھوں ورلڈ کپ کے افتتاحی میچ میں پانچ صفر کی شکست نے سعودی عوام کو مایوس کردیا ہے۔ سعودی فٹبال فیڈریشن کے سربراہ عادل عزت تو اس قدر ناراض ہیں کہ انہوں نے کھلاڑیوں کو سزا دینے کا اعلان کردیا ہے۔

روسی خبر رساں ادارے کے مطابق انہوں نے کہا ہے کہ شکست مایوس کن ہے، نتیجہ ہماری میگا ایونٹ کیلئے کی گئی تیاریوں کی عکاسی بالکل نہیں کرتا۔ ہم اس سے کہیں بہتر کارکردگی پیش کرنے کے اہل تھے۔ پلیئرز کو میزبان کھلاڑیوں کے خلاف ان کے ہوم گرائونڈ میں اترنے سے قبل خوف پر قابو پانا سکھایا گیا تھا جبکہ کھلاڑیوں کو کارروائی جھیلنا پڑے گی۔

انہوں نے خاص طور پر نام لے کر کہا کہ گول کیپر عبداللہ المایوف، اسٹرائیکر محمد السہلاوی اور دفاعی کھلاڑی عمر ہوساوی کو سزائوں کا سامنا کرنا ہوگا۔

ادھر سعودی اسپورٹس اتھارٹی کے چیئرمین ترکی بن عبدالمحسن نے ناکامی کو مکمل تباہی قرار دیا۔ اب میگا ایونٹ میں سعودی عرب کو 20 جون کو سخت حریف یوروگوئے کا سامنا کرنا ہے۔

سب سے زیادہ دیکھی گئی دنیا خبریں
اہم ترین دنیا خبریں
اہم ترین خبریں
خبرنگار افتخاری