انصار اللہ یمن نے الحدیدہ میں سعودی اتحادیوں کی شکست کو یقینی قرار دیا

یمن کی الحدیدہ بندرگاہ پر گزشتہ دنوں سے جاری گھمسان کی لڑائی کا حوالہ دیتے ہوئے انصار اللہ تنظیم نے سعودی عرب سمیت اس کے امریکی، غربی و عربی اتحادیوں کی شکست کو یقینی قرار دیا ہے۔

انصار اللہ یمن نے الحدیدہ میں سعودی اتحادیوں کی شکست کو یقینی قرار دیا

خبر رساں ادارے تسنیم کے مطابق یمن پر سعودی عرب اور اس کے اتحادیوں کے تابڑ توڑ حملوں کا یمن کی فوج، عوامی رضاکار فورس اور انصاراللہ بڑی بہادری کے ساتھ مقابلہ کر رہی ہے ۔

المسیرہ کی رپورٹ کے مطابق الحدیدہ بندرگاہ اور رہائشی علاقوں پر کل سعودی عرب اور اس کے اتحادیوں کے حملوں میں کئی عام شہری شہید اور زخمی ہوگئے، لیکن کئی روز کی جارحیت کے باوجود سعودی عرب اپنے مقصد میں کامیاب نہیں ہوا ہے۔

در ایں اثنا یمن کی اسلامی تنظیم انصار اللہ کے رہنما محمد البخیتی نے کہا ہے کہ الحدیدہ کا کنٹرول یمنی فورسز اور قبائل کے ہاتھ میں ہے اس محاذ پر سعودی عرب کے فوجی اتحاد کو زبردست جانی نقصان اٹھانا پڑا ہے اور سعودی عرب کے 160 فوجیوں کو گرفتار کرلیا گیا ہے۔

انھوں نے کہا کہ الحدیدہ محاذ پر دشمن فوج کی پیشقدمی کو روک دیا گیا ہے اور علاقہ کا کنٹرول انصار اللہ کے ہاتھ میں آگیا ہے الحدیدہ محاذ پر گھمسان کی لڑائی جاری ہے اور انصار اللہ کو اللہ تعالی نے عظیم کامیابیاں عطا کی ہیں۔

دوسری جانب یمنی فورسز کے میزائل یونٹ نے سعودی عرب کے جنوب میں فوجی ٹھکانے پر ایک اور بیلسٹک میزائل داغا ہے جس کے نتیجے میں متعدد سعودی ہلاک اور زخمی ہوگئے ہیں۔

یمنی فوج کے مطابق سعودی عرب کے جیزان علاقہ میں واقع المستحدث فوجی بیس پر میزائل داغا گیا ہے جس نے اپنے ہدف  کو ٹھیک نشانہ بنایا ہے۔

سب سے زیادہ دیکھی گئی اسلامی بیداری خبریں
اہم ترین اسلامی بیداری خبریں
اہم ترین خبریں
خبرنگار افتخاری