عامر لیاقت حسین، شہلارضا اور کامران ٹیسوری کے کاغذات منظور

تسنیم خبررساں ادارے کی رپورٹ کے مطابق، ترجمان الیکشن کمیشن کا کہنا ہےکہ ،کاغذات نامزدگی کی جانچ پڑتال کا وقت کل شام تک ہے، وقت بڑھانے کی کوئی تجویز زیرغور نہیں۔

این اے 244 سے ایم کیو ایم کے روف صدیقی ،اسی نشست سے پی پی کے صابر گولا اور آزاد امیدوار شوکت کھوکھر کے کاغذات نامزدگی منظور کرلئے گئے ہیں۔

این اے 239 سےایم کیو ایم کے فرخ رضا ایڈوکیٹ ،پی پی کے عمران عابدی ،این اے 245 سے عامر لیاقت،اسی حلقے سے پی پی اصغر بہاری،243 سے شہلارضا کے کاغذات نامزدگی کو درست قرار دیا گیا ہے۔

ایم کیو ایم کے کامران ٹیسوری کے پی ایس 104 اور 127،تحریک انصاف کے پی ایس 100 کے امید وار محبوب عباسی ،پی ایس 99 سے پی ٹی آئی کے حلیم عادل شیخ اور پی ایس 127 سے پی ایم ایل کے کوثر شاہین کے کاغذات نامزدگی منظور کئے گئے ہیں۔

پی ایس 126 سے مہاجر اتحاد تحریک کے فرید خان،پیپلزپارٹی کے فروغ نیاز تنولی کے کاغذات نامزدگی مسترد کردیے گئے ہیں۔