بارڈر پر 2 ایرانی اہلکاروں کی شہادت اور حکومت پاکستان کی دہشتگردوں کو کنٹرول کرنے میں ناکامی

حکومت پاکستان کی جانب سے اپنی سرزمین پر دہشتگردوں کو کنٹرول کرنے میں ناکامی کے باعث 2 مزید ایرانی سیکورٹی اہلکار جان کی بازی ہار گئے ہیں۔

بارڈر پر 2 ایرانی اہلکاروں کی شہادت اور حکومت پاکستان کی دہشتگردوں کو کنٹرول کرنے میں ناکامی

خبر رساں ادارے تسنیم کے مطابق ایران کے سرحدی علاقے زابل میں گزشتہ شب دراندازی کی کوشش کرتے ہوئے دہشتگردوں اور ایرانی سیکورٹی اہلکاروں کے درمیان جھڑپ کا آغاز ہوا جس میں موقع پر ہی دو ایرانی اہلکار شہید ہوگئے۔

تفصیلات کے مطابق اس جھڑپ میں تین ایرانی سیکورٹی اہلکار زخمی بھی ہوئے ہیں۔

ایرانی سیکورٹی حکام کے مطابق شہداء کی شناخت زابل سے تعلق رکھنے والے محسن شہرکی اور خراسان رضوی سے تعلق رکھنے والے جلال بہبودی کے ناموں سے ہوئی ہے۔

واضح رہے کہ ایرانی حکام پاک ایران بارڈر پر وقتا فوقتا اپنے سیکورٹی اہلکاروں کی شہادتوں کی وجہ حکومت پاکستان کی دہشتگردوں کیخلاف ناکام پالیسی بتارہے ہیں۔ 

سب سے زیادہ دیکھی گئی ایران خبریں
اہم ترین ایران خبریں
اہم ترین خبریں
خبرنگار افتخاری