میجر جنرل باقری اعلیٰ سطحی وفد کے ہمراہ پاکستان کا دورہ کریں گے

اسلامی جمہوریہ ایران کی مسلح افواج کے سربراہ میجر جنرل محمد باقری ایک اعلیٰ سطحی عسکری وفد کے ہمراہ جلد ہی پاکستان کیلئے رخت سفر باندھیں گے۔

میجر جنرل باقری اعلیٰ سطحی وفد کے ہمراہ پاکستان کا دورہ کریں گے

خبر رساں ادارے تسنیم کے مطابق اسلامی جمہوریہ ایران کی مسلح افواج کے سربراہ میجر جنرل محمد باقری فوج کے اعلیٰ کمانڈروں کے ہمراہ پاک فوج کے سپہ سالار جنرل قمر جاوید باجوہ کی دعوت پر بہت جلد پاکستان کے دورے پر جائیں۔

تفصیلات کے مطابق ایرانی مسلح افواج کے سپہ سالار اپنے پاکستان دورے کے دوران پاک فوج کے سربراہ کے ساتھ مختلف شعبوں میں تعاون کے فروغ، تہران-اسلام آباد کے مابین دفاعی تعلقات، سرحدی امور پر پیشرفت، دہشتگردی کیخلاف جدوجہد اور علاقائی و بین الاقوامی مسائل کے حوالے سے تبادلہ خیال کریں گے۔

اس کے علاوہ دونوں ممالک کی افواج کے سربراہان عرصہ قبل جنرل باوجوہ کے تہران دورے کے دوران دفاعی معاہدوں کا بھی جائزہ لیں گے۔

سیاسی و عسکری ماہرین موجودہ علاقائی اور بین الاقوامی صورتحال کے پیش نظر میجر جنرل باقری کے دورہ اسلام آباد کو بہت اہم قرار دے رہے ہیں۔

سب سے زیادہ دیکھی گئی ایران خبریں
اہم ترین ایران خبریں
اہم ترین خبریں
خبرنگار افتخاری