ایٹمی معاہدے میں بدعہدی کے بعد امریکہ پر اعتماد نہیں کیا جا سکتا، ظریف


ایٹمی معاہدے میں بدعہدی کے بعد امریکہ پر اعتماد نہیں کیا جا سکتا، ظریف

ایران کے وزیر خارجہ نے ایٹمی معاہدے کے تین سال مکمل ہونے پر ٹوئیٹ کیا ہے کہ اس معاہدے میں عہد شکنی کے بعد امریکہ پر کسی بھی معاہدے میں اعتماد نہیں کیا جاسکتا۔

خبر رساں ادارے تسنیم کے مطابق اسلامی جمہوریہ ایران کے وزیر خارجہ نے جوہری معاہدے کے تیسرے سال کی مناسبت سے کہا کہ جوہری معاہدے کے بعد ثابت ہو گیا کہ امریکہ کسی بھی معاہدے کا پابند نہیں ہے اور اس پر اعتماد نہیں کیا جا سکتا۔

اسلامی جمہوریہ ایران کے وزیر خارجہ محمد جواد ظریف نے اپنے ایک ٹویٹ میں کہا کہ ایران کو معلوم تھا کہ امریکہ اپنے وعدوں پر کاربند نہیں رہے گا اور اب امریکہ کے اتحادی بھی اس نتیجے پر پہنچے ہیں کہ  امریکہ کسی بھی معاہدے کا پابند نہیں ہے اور اس پر اعتماد نہیں کیا جا سکتا۔

ایران کے وزیر خارجہ نے کہا کہ جوہری معاہدہ امریکی اقدامات اور خلاف ورزیوں کے باوجود سفارتی سطح پر کامیابی کے عنوان سے باقی ہے۔

واضح رہے کہ 14 جولائی 2015 کو ایران اور 1+5 کے مابین جوہری معاہدہ طے پایا لیکن امریکا نے 8 مئی 2018 کو یکطرفہ طور پر اس معاہدے سے علیحدگی کا اعلان کرتے ہوئے عالمی قوانین کی دھجیاں اڑائیں۔

اہم ترین ایران خبریں
اہم ترین خبریں
خبرنگار افتخاری