آیت اللہ شیخ عیسی قاسم کی حمایت میں بحرینی عوام وقتا فوقتا سڑکوں پر

اسی فیصد سے زیاد شیعہ آبادی رکھنے والے بنی سعود و بنی خلیفہ کے زیر تسلط ملک کی عوام اپنے رہبر کبیر کی حمایت میں وقتا فوقتا سڑکوں پر نکل آتے ہیں لیکن افسوس کے ساتھ متعصب و جابر ریاست کے کانوں تک جوں تک نہیں رینگتی۔

آیت اللہ شیخ عیسی قاسم کی حمایت میں بحرینی عوام وقتا فوقتا سڑکوں پر

خبر رساں ادارے تسنیم کے مطابق بحرینی عوام نے دارالحکومت منامہ میں بزرگ عالم دین آیت اللہ شیخ عیسی قاسم کی حمایت اور ان سے یکجہتی کے اظہار کے لئے بہت بڑی ریلی نکالی ہے۔

بحرینی ذرائع نے خبردی ہے کہ ریلی میں شریک بحرینی شہریوں نے بزرگ عالم دین آیت اللہ شیخ عیسی قاسم سے جو اس وقت زیرعلاج ہیں اپنی بھرپور یکجہتی کا اعلان کیا۔

بحرینی عوام نے ساتھ ہی ان سیاسی اور انقلابی قیدیوں سے بھی یکجہتی کا اظہار اور ان کے لئے اپنی حمایت کا اعلان کیا جو آل خلیفہ حکومت کی جیلوں میں بند ہیں۔

واضح رہے کہ بحرین کے انقلابی قائد آیت اللہ شیخ عیسی قاسم دوسال تک اپنے گھر میں نظر بند رہنے کے بعد سرانجام گذشتہ نوجولائی کو علاج کے لئے لندن روانہ ہوئے اور فورا انہیں اسپتال میں داخل کرایا گیا۔ ابھی تک آیت اللہ شیخ عیسی قاسم کی جسمانی حالت کے بارے میں تفصیلات معلوم نہیں ہوسکی ہیں۔

بحرین میں فروری دوہزار گیارہ سے آل خلیفہ حکومت کے خلاف عوامی تحریک جاری ہے۔ بحرینی عوام اپنے ملک میں سیاسی اصلاحات اور جمہوریت و آزادی کا مطالبہ کررہے ہیں۔

بحرین کی ظالم شاہی حکومت نے اس عرصے میں عوام کی پرامن انقلابی تحریک کو کچلنے کے لئے طاقت کا بے دریغ استعمال کیا ہے جس کے نتیجے میں اب تک سیکڑوں بحرینی شہری شہید اور زخمی ہوچکے ہیں جبکہ بڑی تعددا میں لوگوں کی شہریت منسوخ کردی گئی ہے۔ آل خلیفہ حکومت نے ہزاروں سیاسی کارکنوں کو جیلوں میں بھی بند کردیا ہے۔

سب سے زیادہ دیکھی گئی اسلامی بیداری خبریں
اہم ترین اسلامی بیداری خبریں
اہم ترین خبریں
خبرنگار افتخاری