تصویری رپورٹ | وزیراعظم عمران خان نے پہلا دن کیسے گزارا؟

خبررساں ادارے تسنیم کے مطابق وزیراعظم پاکستان بننے کے بعد پہلی صبح کپتان جاگنگ کے دوران ہی سرکاری کام نمٹاتے نظر آئے۔

درحقیقت اپنا عہدہ سنبھالنے کے بعد پہلے ہی دن وزنراعظم عمران خان نے اپنی ذمہ داریاں کا آغاز کافی غیرروایتی انداز سے کیا۔

یعنی عام سی ٹی شرٹ اور جاگنگ پاجامہ، جاگنگ کے دوران ان کے ساتھ عملہ بھی موجود تھا جس کی مدد سے وہ اپنے سرکاری کام بھی نمٹاتے رہے۔

بنی گالہ کے باغ میں عمران خان کے ہاتھ تسبیح کے دانوں پر چلتے رہے۔ انہوں نے ورزش کی جس کے بعد چیئرمین سیکریٹریٹ پہنچ گئے ، پھر ساتھیوں کو مشاورت کے لیے بلالیا۔

جہانگیر ترین،شاہ محمود قریشی ، اسد عمر، نعیم الحق سے عوام کی توقعات ، کابینہ کی تشکیل اوور مستقبل کے لائحہ عمل کے لیے تبادلہ خیال کیا۔

بنی گالہ کے باغ میں عمران خان کے ہاتھ تسبیح کے دانوں پر چلتے رہے-

عمران خان انتخابات میں کامیابی کے بعد سے بہت کچھ ایسا کرچکے ہیں جو کہ ملکی سیاسی روایات میں نیا قرار دیا جاسکتا ہے، جیسے وزیراعظم ہاؤس میں رہائش کی بجائے اس میں موجود ملٹری سیکرٹری کے بنگلے میں قیام، مہمانوں کی تواضع صرف چائے اور بسکٹوں سے کرنا، سیکیورٹی پروٹوکول کے بغیر نیب خیبرپختونخوا میں پیشی وغیرہ۔