وزیراعظم عمران خان آج دو نئی ٹرینوں کا افتتاح کریں گے


وزیراعظم عمران خان آج دو نئی ٹرینوں کا افتتاح کریں گے

وزیراعظم عمران خان آج دو نئی ٹرینوں راولپنڈی ایکسپریس اور میانوالی ریل کار کا افتتاح کریں گے۔

تسنیم خبررساں ادارے کی رپورٹ کے مطابق، وزیراعظم عمران خان آج دو نئی ٹرینوں کا افتتاح کریں گے اور اس کےعلاوہ وہ وزیراعظم آفس میں سول سرونٹس سے خطاب بھی کریں گے۔

راولپنڈی ایکسپریس آج رات آٹھ بجے لاہور اور راولپنڈی سے ایک ہی وقت میں روانہ ہوگی، ٹرین میں 685 مسافروں کی گنجائش ہے۔

دونوں نئی ٹرینوں پر پہلے روز مسافروں کو کرایوں پر50 فیصد رعایت فراہم کی جائے گی۔ ٹرینوں کی گھر سے بکنگ کرانے کے لیے آن لائن بکنگ کی سہولت بھی دستیاب ہے۔

یاد رہے کہ گزشتہ روز راولپنڈی میں میڈیا سے گفتگو کرتے ہوئے وفاقی وزیرریلوے شیخ رشید احمد کا کہنا تھا کہ 20 دن میں 2 ٹرینیں تیارکی گئی ہیں۔

شیخ رشید احمد کا کہنا تھا کہ ریلوے کوایک سال کے اندرخسارے سے نکالیں گے، میرا سب سے بڑا ٹاسک ریلوے کے خسارے کو کم کرنا ہے۔

وفاقی وزیرریلوے شیخ رشید احمد کا کہنا تھا کہ ریلوے کوایک سال کے اندرخسارے سے نکالیں گے اور ایک مرتبہ پھر ریلوے کواپنے پاؤں پرکھڑا کر کے دکھائیں گے۔

اہم ترین پاکستان خبریں
اہم ترین خبریں
خبرنگار افتخاری