واقعہ کربلا ثابت قدمی اور استقامت کی مثال ہے, وزیراعظم


واقعہ کربلا ثابت قدمی اور استقامت کی مثال ہے, وزیراعظم

وزیر اعظم عمران خان کا کہنا ہے کہ واقعہ کربلا ثابت قدمی اور استقامت کی مثال ہے، امام حسین علیہ السلام نے ثابت کیا باطل جب بھی حق سے ٹکرایا ہے نیست و نابود ہوا۔

تسنیم خبررساں ادارے کی رپورٹ کے مطابق،  وزیر اعظم عمران خان نے یوم عاشور پر قوم کے نام پیغام دیتے ہوئے کہا یہ دن عظیم قربانی کی یاد دلاتا ہے، امام حسین علیہ السلام اور ان کے اصحاب باوفا نے دین کی خاطر عظیم قربانی پیش کی۔

انہوں نے کہا کہ واقعہ کربلا ایثار اور قربانی کا درس دیتا ہے، ثابت قدمی اور استقامت کی یہی مثال ہمارے لیے مشعل راہ ہے۔ امام حسین علیہ السلام نے ثابت کیا باطل جب بھی حق سے ٹکرایا ہے نیست و نابود ہوا۔

اپنے پیغام میں ان کا کہنا تھا کہ یہی وقت کی ضرورت ہے اور اسی میں ہم سب کی بقا ہے، ایثار و قربانی کے جذبے کو فروغ دینے کی ضرورت پہلے سے کہیں زیادہ ہے۔

وزیر اعظم نے کہا کہ آج ہمیں متحد و منظم ہونے کی ضرورت ہے، خود کو اسلامی تعلیمات کے مطابق ڈھالنے کے لیے پختہ عزم بھی کرنا ہے۔ ہمیں حق کی سر بلندی کے لیے ڈٹ جانے کا پیغام ملتا ہے۔ استقامت حق کے حصول کے لیے کسی قسم کی قربانی سے دریغ نہیں کرنا چاہیئے۔

انہوں نے مزید کہا کہ حق و باطل کی لڑائی اس دور میں بھی جاری ہے، آج کا دن ہمیں نواسہ رسولﷺ، جگر گوشہ بتول کے عظیم افکار و اعمال کی یاد دلاتا ہے۔ آج کے دن ہمیں اسوہ حسینی کو یاد رکھنا ہے۔

اہم ترین پاکستان خبریں
اہم ترین خبریں
خبرنگار افتخاری