عادل المہدی عراق کے وزیر اعظم مقرر

تسنیم خبررساں ادارے نے عراقی ذرائع کے حوالے سے بتایا ہے کہ 76 سالہ عبدالمہدی برجوازیہ خاندان سے تعلق رکھتے ہیں۔ ان کا خاندان ماضی میں سیاست میں سرگرم رہا ہے۔ ان کے والد عراق کے شاہ فیصل اول کے دور میں وزیر اور پارلیمنٹ کے رکن بھی رہ چکے ہیں۔

عبدالمہدی نے فرانس، شام اور لبنان میں تعلیمی سفر کیا۔ اپنے اس سفر میں انہوں نے مختلف نظریات کا بھی مطالعہ کیا۔ نیشنل ازم، اشتراکیت اور اسلامی افکار ان کے مطالعے میں رہے۔

سابق وزیراعظم ایاد علاوی کے دور میں وہ وزیر خزانہ کے عہدے پر فائز رہ چکے ہیں جب کہ صدر جلال طالبان کے ساتھ نائب صدر کےعہدے پر بھی فائز رہے مگر کچھ عرصے بعد اختلافات کی بناء پر استعفیٰ دے دیا تھا۔

عراقی دستور کے مطابق عادل المہدی 30 دن تک اپنی کابینہ تشکیل دیں گے جسے منظوری کے لیے پارلیمنٹ میں پیش کیا جائے گا۔

واضح رہے کہ سیاسی طورپر عبدالمہدی اسلامی جمہوریہ ایران کے قریبی سجمھے جاتے ہیں