پاک فوج کی ایک اور کامیابی،غوری میزائل سسٹم کے ٹریننگ لانچ کا کامیاب تجربہ کرلیا

تسنیم نیوز نے آئی ایس پی آر کے حوالےسے بتایا ہے کہ پاکستان نے غوری میزائل سسٹم کے ٹریننگ لانچ کا کامیاب تجربہ

 کرلیا ہے۔ تجربے کا مقصد آرمی اسٹرٹیجک فورسز کمانڈ کی آپریشنل اور ٹیکنکل تیاری تھا۔

پاک فوج کے شعبہ تعلقات عامہ کے مطابق غوری بیلسٹک میزائل 1300 کلومیٹر فاصلے تک روایتی اور جوہری وار ہیڈ لے جانے کی صلاحیت رکھتا ہے۔

صدر مملکت ڈاکٹر عارف علوی اور وزیراعظم عمران خان کی جانب سے میزائل سسٹم کے کامیاب تجربے پر افواج پاکستان اور انجینئرز کو مبارکباد دی گئی۔

چیئرمین جوائنٹ چیفس آف اسٹاف کمیٹی اور افواج پاکستان کے سربرہان نے بھی میزائل سسٹم کے کامیاب تجربے پر اسٹریٹجک فورسز، سائنسدانوں اور انجینئرز کو مبارکباد دی۔