بجلی کی قیمت میں اضافہ نہ کرنے کا فیصلہ

اقتصادی رابطہ کمیٹی نے واجبات کی وصولی میں بہتری تک بجلی کی قیمتوں میں اضافہ موخر کردیا۔

بجلی کی قیمت میں اضافہ نہ کرنے کا فیصلہ

تسنیم خبررساں ادارے کی رپورٹ کے مطابق، اسلام آباد میں وزیر خزانہ اسد عمر کی صدارت میں  اقتصادی رابطہ کمیٹی کا اجلاس ہوا جس میں بجلی کی قیمتوں میں اضافہ ایک بار پھر موخر کردیا گیا، ذرائع کا کہنا ہے کہ ای سی سی اجلاس میں فیصلہ کیا گیا کہ بجلی کے قابل وصول واجبات میں بہتری تک قیمت میں اضافہ نہیں ہوگا۔

ذرائع کا کہنا ہے کہ بدھ کو وزیر خزانہ اسد عمر کی صدارت میں ای سی سی کا اجلاس دوبارہ ہوگا جس میں بجلی کے قابل وصول واجبات کا جائزہ لیا جائے گا۔

واضح رہے کہ نیپرا نے حکومت کو 3 روپے 82 پیسے فی یونٹ اضافے کی سفارش کی تھی جب کہ حکومت اس سے قبل گیس کی قیمتوں میں 10 سے لے کر 143  فیصد تک اضافہ کرچکی ہے جب کہ منی بجٹ کی صورت میں عوام پر مہنگائی کا بم بھی گرایا جاچکا ہے۔

سب سے زیادہ دیکھی گئی پاکستان خبریں
اہم ترین پاکستان خبریں
اہم ترین خبریں