بحرین: اپوزیشن لیڈر شیخ علی سلمان کی حمایت میں مظاہرے+ تصاویر

تسنیم خبررساں ادارے کی رپورٹ کے مطابق، بحرینی عوام نےآل خلیفہ کی نام نہاد عدالت کی جانب سے ملک کی سب سے بڑی اپوزیشن جماعت، جمعیت الوفاق کے جنرل سیکریٹری شیخ علی سلمان کی سزا کے خلاف احتجاجی مظاہرے کئے۔

بحرین کے عوام نے اس ملک کے مختلف شہروں میں بڑے پیمانے پر مظاہرے کر کے شیخ علی سلمان کی سزا کی مذمت کی۔ مظاہرین کے ہاتھوں میں شیخ علی سلمان کی تصاویر اور کتبے تھے اور وہ ان کی رہائی کیلئے نعرے لگا رہے تھے۔

واضح رہے کہ بحرین میں کی نام نہاد عدالت نے ملک کے اپوزیشن لیڈرشیخ علی سلمان کو حریف خلیجی ملک قطر کیلئے جاسوسی کرنے کے بے بنیاد الزامات میں عمر قید کی سزا سنائی ہے۔

یاد رہے کہ علی سلمان  نے جنہیں، جون میں ایک فوجداری عدالت کے ذریعے بری کردیا گیا تھا۔

مظاہرین کا کہنا ہے کہ شیخ علی سلمان کے خلاف بے بنیاد الزامات لگا کر عمر قید کی سزا دینا، انصاف کا قتل اور اس قوم کے خلاف سنگین جرم ہے جو اپنے حق خود ارادیت اور جائز مطالبات کی تکمیل پر یقین رکھتی ہے-

بیان میں بحرین کے شاہ حمد بن عیسی آل خلیفہ کو خطاب کرتے ہوئے کہا گیا ہے کہ ظالمانہ عدالتی فیصلے اور برسوں تک کی سزائے قید انقلابی تحریک کا راستہ نہیں روک سکے گی جو کئی عشرے قبل شروع ہو چکی ہے۔

بحرین کی چودہ فروری یوتھ کولیشن نے کہا ہے کہ اس قسم کے فیصلوں سے آل خلیفہ کے ذریعے کرائے جانے والے انتخابات کا بائیکاٹ کرنے کی تحریک کو اور زیادہ تقویت ملے گی-