قرضے واپس نہ کرنے والوں کو معاف نہیں کیا جائے گا، گورنر پنجاب

تسنیم خبررساں ادارے کی رپورٹ کے مطابق، گورنر پنجاب چوہدری محمد سرور نے کہا ہے کہ پاکستان کے غریب عوام کرپٹ نہیں ہیں بلکہ امیر طبقہ نے ملک کو لُوٹا ہے۔

انہوں نے کہا کہ وزیر اعظم عمران خاں کی قیادت میں ملک میں ایک کروڑ روزگار کے مواقع پیدا کرنے کے علاوہ غریب طبقہ کے لئے 50 لاکھ گھر بنائے جائیں گے۔

گورنر پنجاب نے کہا کہ دُنیا کی ترقی یافتہ قوموں نے قلم کی طاقت سے ترقی حاصل کی ۔ پاکستان تحریک انصاف کی حکومت کی اولین ترجیح معیاری تعلیم کا فروغ ہے ۔ انہوں نے کہا کہ بے رزگاری کے خاتمے کے لئے نوجوانوں کو ووکیشنل ٹریننگ دی جائے گی۔