امریکی سینیٹ نے آل خلیفہ کو 30کروڑ ڈالر مالیت کا اسلحہ فروخت کرنے کی منظوری دے دی

تسنیم خبررساں ادارے نے غیرملکی ذرائع کے حوالےسے بتایا ہے کہ ریپبلکن پارٹی سے تعلق رکھنے والے رینڈ پال کی مذکورہ تجویز پر ہونے والی رائے شماری میں تجویز کے خلاف 77 اور اس کے حق میں 21 ووٹ آئے۔رینڈ پال کی مخالفت کرنے والوں کا کہنا تھا کہ بحرین، امریکا کا ایک اہم حلیف ہے۔بحرین میں امریکا کا بحری فوجی اڈہ ہے اور واشنگٹن کو خطّے میں اپنے مفادات کے تحفظ کے لیے اس کی ضرورت ہے۔

اس سے قبل بحرین کا یہ اعلان سامنے آیا کہ اس نے امریکی کمپنی بیل کے ساتھ 91.2 کروڑ ڈالر کے ایک سمجھوتے پر دستخط کیے ہیں۔ اس کے تحت بحرین مذکورہ کمپنی سے 12 عدد AH-1Z Viper ہیلی کاپٹر خریدے گا۔

اس بات کا اعلان بحرین کی رائل ایئرفورس کے کمانڈر شیخ حمد بن عبداللہ آل خلیفہ نے بحرین انٹرنیشنل ایوی ایشن کی نمائش کے ضمن میں منعقد ایک پریس کانفرنس میں کیا۔

 اس حوالے سے فضائیہ کے کمانڈر نے بتایا کہ اس سمجھوتے پر دستخط بحرین کے ولی عہد اور نائب سپریم کمانڈر شہزادہ سلمان بن حمد آل خلیفہ نے کیے۔

شیخ حمد کے مطابق یہ ہیلی کاپٹر عالمی سطح پر جدید ترین شمار کیا جاتے ہیں جو بحرین کی فضائیہ کے لیے ایک بڑا اور اہم اضافہ ثابت ہوں گے۔

بحرین کی فضائیہ کے سربراہ کا کہنا تھا کہ امریکی کمپنی کے ساتھ دستخط کیے جانے والے سمجھوتے میں تربیت اور لوجسٹک خدمات کی فراہمی بھی شامل ہے۔

 انہوں نے بتایا کہ بحرینی فضائیہ کے پاس اس وقت کوبرا ہیلی کاپٹر ہیں اور نئے ماڈل کی جانب تبدیلی کا عمل انتہائی آسان ہو گا۔