مودی حکومت نے بھارت کو ’’امیر‘‘ اور’ ’ غریب‘‘ میں تقسیم کردیا، راہول گاندھی

تسنیم خبررساں ادارے کی رپورٹ کے مطابق راہول نے چھتیس گڑھ کے ضلع جش پور کے باغیچہ میں انتخابی جلسے سے خطاب کرتے ہوئے کہا کہ بهارت میں ایک آئین ہے لیکن وزیراعظم نے بڑے سرمایہ داروں اور باقی عوام کے درمیان خلیج پیدا کررکھی ہے۔

انہوں نے الزام لگایا کہ غریبوں کی زمین اور دیگر املاک ان کی اجازت کے بغیر چند سرمایہ داروں کے حوالے کی جارہی ہیں۔ کانگریس برسراقتدار آکرناانصافی کا خاتمہ کردیگی۔

انہوں نے مزید کہا کہ چھتیس گڑھ اینڈیا کی سب سے مالدار ریاست ہے۔ یہاں پانی کے ذخائر،جنگلات کے علاوہ بے پناہ دولت ہے۔ بدقسمتی سے غریبوں کو ان کی جائداد، پانی اوردیگرمقامات سے بے دخل کیا جارہا۔ یہاں کے نوجوانوں بیروزگاری کے مسائل سے دوچار ہیں۔

انہوں نے کہا کہ چھتیس گڑھ میں کانگریس کی حکومت آنے پر کسانوں کے قرضے معاف کرنے کے ساتھ ان کے دھان کی بقایہ رقم بھی ادا کی جائیگی اور زندگی کے مختلف شعبوں کے علاوہ تعلیم اور صحت سے متعلق ضروری سہولتیں فراہم کی جائیں گی۔