کراچی میں انسداد تجاوزات آپریشن کا تیسرا مرحلہ

صوبہ سندھ کے شہر کراچی میں کراچی میٹروپولیٹن کارپوریشن کی جانب سے کیا جانے والا تجاوزات کے خلاف آپریشن تیسرے مرحلے میں داخل ہوگیا۔

کراچی میں انسداد تجاوزات آپریشن کا تیسرا مرحلہ

تسنیم خبررساں ادارے کی رپورٹ کے مطابق کے ایم سی کے انسداد تجاوزات آپریشن کے تیسرے مرحلے کے تحت آج آرام باغ اور لائٹ ہاؤس کے اطراف کارروائی کی جائے گی۔ آپریشن کا آغاز صبح 11 بجے ہوگا۔

آپریشن کے لیے انسداد تجاوزات افسران اور ملازمین کو 11 بجے تھانہ پریڈی پہنچنے کی ہدایت کردی گئی ہے۔ ذرائع کے ایم سی کا کہنا ہے کہ ناخوشگوار صورتحال سے نمٹنے کے لیے رینجرز کو الرٹ کردیا گیا ہے۔

آپریشن کے زیر نظر لائٹ ہاؤس مارکیٹ کے تاجروں نے آج مارکیٹ بند رکھنے کا اعلان کیا ہے۔ دکانداروں کو گزشتہ روز نوٹس جاری کردیا گیا تھا۔

آپریشن میں آرام باغ کے اطراف 180 غیر قانونی دکانیں گرائی جائیں گی۔ لائٹ ہاؤس کے اطراف بھی 250 سے زائد دکانیں نالے پر قائم ہیں جنہیں مسمار کردیا جائے گا۔

خیال رہے کہ سپریم کورٹ نے ٹریفک جام اور بدامنی کا باعث بننے والی تجاوزات کا 15 روز میں خاتمے کا حکم دیا تھا جس کے بعد کراچی کی مقامی انتظامیہ نے گرینڈ آپریشن شروع کیا۔

سب سے زیادہ دیکھی گئی پاکستان خبریں
اہم ترین پاکستان خبریں
اہم ترین خبریں
خبرنگار افتخاری