ترکی نے محمدبن سلمان کے 2سابق مشیروں کے وارنٹ جاری کردیئے

تسنیم خبررساں ادارے نے ترک ذرائع کے حوالے سے بتایا ہے کہ عدالتی دستاویز میں ملزمان کو قتل کا منصوبہ ساز قرار دیا گیا ہے، احمد العسیری جنرل انٹیلی جنس کے سربراہ تھے جبکہ قحطانی ولی عہد کے اہم مشیر تھے۔

سعودی عرب کی جانب سے خاشقجی کے اپنے سفارت خانے میں قتل کا اعتراف سامنے آنے کے بعد دونوں کو برطرف کردیا گیا تھا ۔

دوسری جانب امریکی وزیردفاع جم میٹس کا صحافیوں سے گفتگو میں کہناہےکہ جمال خاشقجی کے قتل پر کچھ کہنے سے پہلے مزید شواہد درکار ہیں ۔

جم میٹس نے کہا کہ انہیں یقین ہے کہ حقیقت جاننے کےلیے مزید شواہد حاصل کرلیں گے، فی الحال انہیں علم نہیں کہ آگے کیا ہوگا اور کسے قتل کا ذمہ دار قرار دیا جائے گا۔