برطانوی اراکین پارلیمنٹ نے بریگزٹ ڈیل مسترد کردی

برطانوی ہاﺅس آف کامن نے ووٹنگ میں یورپی یونین سے انخلا کی بریگزٹ ڈیل کو مسترد کردیا ہے۔

برطانوی اراکین پارلیمنٹ نے بریگزٹ ڈیل مسترد کردی

تسنیم خبررساں ادارے کے مطابق، پارلیمان میں ہونے والی ووٹنگ میں ڈیل کے حق میں 202 اور مخالفت میں 432 ووٹ پڑے ہیں، برطانوی وزیر اعظم تھریسامے کو اس حوالے سے 230 ووٹوں سے شکست کا سامنا کرنا پڑا ہے۔

بریگزٹ ڈیل پر ووٹنگ میں ناکامی کے بعد برطانوی وزیر اعظم تھریسامے پر استعفیٰ کا دباﺅ بڑھ گیا ہے جبکہ جنرل الیکشن کی آوازیں بھی اٹھنے لگی ہیں۔

دوسری جانب برطانوی پارلیمنٹ نے آئرش بارڈر بند کرنے کی ترمیم پر ووٹنگ میں بارڈر بند کرنے کے حوالے سے اختیار حکومت کو دے دیا ہے، ترمیم کے حق میں 600 اور مخالفت میں 24 ووٹ ڈالے گئے ہیں۔

خیال رہے کہ برطانیہ میں ایک ریفرنڈم کے بعد یورپی یونین سے انخلا کا عمل شروع کیا گیا تھا، یورپی یونین سے انخلا کے عمل کو بریگزٹ کا نام دیا گیا ہے۔

 

 

 

سب سے زیادہ دیکھی گئی دنیا خبریں
اہم ترین دنیا خبریں
اہم ترین خبریں
خبرنگار افتخاری