چینی سفیرکی وزیرخارجہ شاہ محمود قریشی سے ملاقات

چینی سفیر ہاؤ جنگ کی وزیر خارجہ شاہ محمود قریشی سے ملاقات ہوئی، ملاقات میں پاک چین اقتصادی راہداری سی پیک پر پیشرفت، باہمی تعلقات اورخطے کی صورتحال پر تبادلہ خیال کیا گیا۔

چینی سفیرکی وزیرخارجہ شاہ محمود قریشی سے ملاقات

تسنیم خبررساں ادارے کے مطابق، دفتر خارجہ نے سماجی رابطے کی ویب سائٹ ٹویٹر پر ٹویٹ کرتے ہوئے کہا کہ چینی سفیر ہاؤ جنگ دفتر خارجہ پہنچے جہاں ان کی وزیر خارجہ شاہ محمود قریشی سے ملاقات ہوئی۔

ملاقات میں پاک چین اقتصادی راہداری سی پیک پر پیشرفت، باہمی تعلقات اور خطے کی صورتحال پر تبادلہ خیال کیا گیا۔

دفتر خارجہ کے مطابق ملاقات میں باہمی تعلقات مزید مضبوط بنانے پر بھی اتفاق کیا گیا۔ اس موقع پر چینی سفیر کا کہنا تھا کہ پاک چین دوستی عوام کے دلوں میں جڑ پکڑ چکی ہے۔

ملاقات میں وزیر خارجہ شاہ محمود قریشی کا کہنا تھا کہ وزیر اعظم عمران خان نے چین کا کامیاب دورہ کیا، دونوں ممالک کی قیادت کے مابین اہم ملاقاتیں ہوئیں۔

انہوں نے کہا کہ چینی ہم منصب سے بیجنگ اور کابل میں ملاقاتیں سود مند رہیں، ملاقاتوں میں دو طرفہ باہمی تعاون اور پاک چین دوستی مزید مستحکم کرنے پر اتفاق کیا گیا۔

وزیر خارجہ کا کہنا تھا کہ پاکستان چین کی مضبوط حمایت و امداد پر چین کا شکر گزار ہے، سی پیک پاکستان کی معاشی ترقی کے لیے اہمیت کا حامل ہے۔

سب سے زیادہ دیکھی گئی پاکستان خبریں
اہم ترین پاکستان خبریں
اہم ترین خبریں
خبرنگار افتخاری