پنجاب حکومت کا بسنت نہ منانے کا اعلان


پنجاب حکومت کا بسنت نہ منانے کا اعلان

پنجاب حکومت نے رواں برس بسنت نہ منانے کا فیصلہ کیا ہے۔

تسنیم خبررساں ادارے کی رپورٹ کے مطابق، سینئر صوبائی وزیر عبدالعلیم خان کا کہنا ہے کہ محفوظ بسنت کی تیاری کے لیے 4 سے 6 ماہ کی ورکنگ درکار ہے۔

عبدالعلیم خان نے کہا کہ ادارے ذمے داریاں پوری کریں تو ایسی سرگرمیاں ہو سکتی ہیں۔

انہوں نے کہا کہ بسنت نہ منانے کا فیصلہ عوامی مفاد میں کر رہے ہیں۔

یاد رہے کہ دسمبر میں وزیر اطلاعات پنجاب فیاض الحسن چوہان نے فروری 2019 کے دوسرے ہفتے میں بسنت منانے کا اعلان کیا تھا۔

پنجاب حکومت کے بسنت منانے کے فیصلے کو لاہور ہائی کورٹ میں چیلنج کیا گیا تھا جس پر عدالت نے حکومت پنجاب سے اس حوالے سے وضاحت بھی طلب کی تھی۔

اہم ترین پاکستان خبریں
اہم ترین خبریں
خبرنگار افتخاری