ٹائیفائیڈ سے بچاؤ کیلئے احتیاطی تدابیر

سندھ میں مہلک ٹائیفائیڈ کی وباء سے 2016 سے اب تک 8 ہزار کیسز رپورٹ ہو چکے ہیں جن میں کراچی پہلے، حیدرآباد دوسرے اور سانگھڑ تیسرے نمبر پر ہے۔

ٹائیفائیڈ سے بچاؤ کیلئے احتیاطی تدابیر

تسنیم خبررساں ادارے کی رپورٹ کے مطابق، پاکستان میڈیکل ایسوسی ایشن نے ٹائیفائیڈ سے بچنے کے لیے احتیاطی تدابیر جاری کی ہیں۔

شہریوں کو ایکس ڈی آر ٹائیفائیڈ سے بچاؤ کے لیے احتیاطی تدابیر اختیار کرنے کی ہدایت کرتے ہوئے کہا گیا ہےکہ پانی کا ابال کر استعمال کریں اور بازار میں فروخت کی جانے والی برف استعمال نہ کریں۔

اس کے علاوہ پھل، سبزیاں اور برتنوں کو گرم پانی سے دھویا جائے، کھانے سے قبل صابن سے ہاتھ دھوئیں، باہر کے کھانے نہ کھائیں اور بیت الخلاجانے کے بعد ہاتھ صابن سے دھوئیں۔

اعلامیے میں شہریوں کو مشورہ دیا گیا ہے کہ بیماری کی صورت میں مستند ڈاکٹر سے رابطہ کریں۔

واضح رہے ٹائیفائیڈ بخار کا بیکٹیریا کے ذریعے آلودہ پانی سے پھیلتا ہے، اس میں مریض کوتیزبخار، پیٹ میں درد، الٹی، سر درد ، کھانسی اور بھوک نہ لگنےکی شکایات ہوتی ہیں۔

سب سے زیادہ دیکھی گئی مقالات خبریں
اہم ترین مقالات خبریں
اہم ترین خبریں
خبرنگار افتخاری