گرے لسٹ سے نکلنے کیلئے پاکستان کومزید کام کرنا ہو گا: ایف اے ٹی ایف


گرے لسٹ سے نکلنے کیلئے پاکستان کومزید کام کرنا ہو گا: ایف اے ٹی ایف

بین الاقوامی ادارے ایف اے ٹی ایف نے کہا ہے کہ پاکستان نے کچھ شعبوں میں بہتری دکھائی ہے، گرے لسٹ سے نکلنے کیلئے مزید کام کرنا ہو گا۔

تسنیم خبررساں ادارے کے مطابق، فنانشل ایکشن ٹاسک فورس کی طرف سے جاری بیان میں کہا گیا ہے کہ پاکستان نے دہشت گردی کی فنڈنگ روکنے میں کچھ بہتری دکھائی ہے لیکن گرے لسٹ سے نکلنے کیلئے مزید کام کرنے کی ضرورت ہے جس کے لئے پاکستان کے پاس مئی 2019 تک کا وقت ہے۔

ایف اے ٹی ایف نے کہا ہے کہ پاکستان کے ساتھ کام جاری رکھیں گے۔

یاد رہے کہ ایف اے ٹی ایف نے گزشتہ برس پاکستان کو منی لانڈرنگ، دہشتگردوں اور کالعدم تنظیموں کی مالی وسائل تک رسائی روکنے کا مطالبہ کرتے ہوئے گرے لسٹ میں شامل کیا تھا، رواں مئی تک اقدامات نہ کرنے کی صورت میں بلیک لسٹ میں شامل کئے جانے کا خدشہ ہے۔

اہم ترین دنیا خبریں
اہم ترین خبریں
خبرنگار افتخاری