کراچی میں چنگچی رکشے میں 4 سے زائد مسافر بٹھانے پر پابندی عائد
سندھ حکومت کی جانب سے چنگچی رکشے میں چار سواریوں کا نوٹیفکیشن جاری کردیا گیا جب کہ کرایوں میں بھی تبدیلی کی گئی ہے۔
تسنیم خبررساں ادارے کے مطابق، نوٹیفکیشن میں کہا گیا ہے کہ چنگچی رکشے میں 6 کلو میٹر سفر کرنے پر کرایہ 10 روپے ہوگا جب کہ اس سے زائد سفر کرنے پر 15 روپے کرایہ ہوگا۔
نوٹیفکیشن میں کہا گیا ہےکہ احکامات کی خلاف ورزی پر چنگچی رکشوں کے خلاف ضابطہ فوجداری کے تحت مقدمات درج ہوں گے جس کی ذمہ داری ٹریفک پولیس کی ہوگی۔
علاوہ ازیں سندھ حکومت نے چنگچی رکشے کو ایکسائز ڈپارٹمنٹ میں رجسٹرڈ کروا کے نمبر پلیٹ لینا لازمی قرار دے دیا ہے۔
