واپسی مارچ؛ صہیونی غاصب فوج کی فائرنگ سے 1فلسطینی شہید 50 زخمی


واپسی مارچ؛ صہیونی غاصب فوج کی فائرنگ سے 1فلسطینی شہید 50 زخمی

غزہ کی سرحد پر ہونے والی تازہ جھڑپوں میں اسرائیلی فوج کی فائرنگ سے 1فلسطینی شہید اور 50 زخمی ہوگئے۔

تسنیم خبررساں ادارے کی رپورٹ کے مطابق، غزہ کی وزارت صحت کے ترجمان اشرف القدرہ کا کہنا ہے کہ صہیونی فوج کی فائرنگ سے درجنوں نہتے فلسطینی مسلمان زخمی ہوگئے ہیں۔
ان کا کہنا تھا کہ فلسطینیوں کی جانب سے اسرائیل کے خلاف ہونے والے احتجاج کے دوران اسرائیلی فورسز کی شیلنگ سے 50سے زائد افراد زخمی ہوئے ہیں۔
فلسطینی ذرائع نے بتایا کہ جمعہ کی شب فلسطینی مظاہرین نے احتجاجاً ٹائر جلائے اور اسرائیلی فوجیوں پر پتھراؤ کیا لیکن اسرائیلی فوجیوں نے جواب میں نہتے فلسطینیوں پر آنسو گیس اور گولیاں برسا دیں۔
انہوں نے مزید بتایا کہ آنسو گیس سے متاثرہ مظاہرین کو ہسپتال منتقل کیا گیا
واضح رہے کہ غزہ میں اسرائیلی قبضے کے خلاف گزشتہ سال سے شروع ہونے والے مظاہروں میں اسرائیلی فوجیوں کی فائرنگ سے تقریباً سینکڑوں فلسطینی شہید اور ہزاروں مظاہرین زخمی ہوچکے ہیں۔
خیال رہے کہ اسرائیل نے سرحد کو بند کرکے غزہ کو دنیا سے منقطع کر رکھا ہے۔
انسانی حقوق کی تنظیموں کا کہنا تھا کہ اس طرح کے اقدامات سے علاقے میں رہائش پذیر 20 لاکھ افراد کو سزا دی جارہی ہے۔

اہم ترین دنیا خبریں
اہم ترین خبریں
خبرنگار افتخاری