دہشت گردی کی روک تھام کے لئے پاک ایران سرحدپر بھی باڑ لگانے کا اعلان

پاک فوج سدرن کمانڈ کے کمانڈر لیفٹننٹ جنرل عاصم سلیم باجوہ کا کہنا ہے کہ پاکستان کی ایران سے ملحقہ سرحد پربھی باڑ لگانے کا کام بہت جلد شروع کیا جائے گا

دہشت گردی کی روک تھام کے لئے پاک ایران سرحدپر بھی باڑ لگانے کا اعلان

تسنیم خبررساں ادارے کی رپورٹ کے مطابق، پاک فوج کے سدرن کمانڈ کے کمانڈر لیفٹننٹ جنرل عاصم سلیم باجوہ نے کہا ہے کہ اسلامی جمہوریہ ایران کے ساتھ ملنے والی پاکستان کی سرحد پر آئندہ ہفتے سے باڑھ لگانے کا کام شروع ہو جائے گا۔

پاکستانی فوج کے سدرن کمانڈ کے کمانڈر جنرل عاصم سلیم باجوہ نے کوئٹہ میں اپنے ایک بیان میں کہا ہے کہ سرحدوں کی سیکورٹی ناگزیر ہے اور اب تک بلوچستان کے سرحدی علاقے میں تین سو ستر کلومیٹر تک باڑھ لگائی جاچکی ہے۔

ان کا کہنا تھا کہ ایران کے ساتھ بھی ملنے والی پاکستانی سرحدی علاقے میں بھی جلد ہی باڑھ لگانے کا کام شروع ہوجائے گا۔

اس سے پہلے پاکستانی فوج کے ترجمان میجر جنرل آصف غفور نے بھی کہا تھا کہ مشترکہ سرحدوں کی سیکورٹی کو یقینی بنانے کے لئے اسلامی جمہوریہ ایران کے ساتھ سبھی سطحوں پر بہت ہی اچھا تعاون انجام پا رہا ہے۔

قابل ذکر ہے کہ ایران اور پاکستان کی نو سوپچاس کلومیٹر طویل مشترکہ سرحدیں ہیں۔

 

سب سے زیادہ دیکھی گئی پاکستان خبریں
اہم ترین پاکستان خبریں
اہم ترین خبریں
خبرنگار افتخاری