شاہین ٹو میزائل کے کامیاب تجربے پر صدر اور وزیراعظم کی مبارکباد

تسنیم خبررساں ادارے کی رپورٹ کے مطابق، پاکستان نے زمین سے زمین پر مار کرنے والے شاہین ٹو میزائل کا کامیاب تجربہ کیا ہے۔

شاہین ٹو میزائل 15 سو کلومیٹر تک ہدف کو کامیابی سے نشانہ بنانے کی صلاحیت رکھتا ہے، یہ روایتی اور ایٹمی ہتھیار لے جانے کی صلاحیت کا بھی حامل ہے۔

میزائل تجربے سے پاکستان کی خطے میں کم از کم مزاحمت برقرار رکھنے کی صلاحیت میں اضافہ ہوا ہے، شاہین ٹو میزائل اسٹریٹجک ضرورتوں کو کامیابی سے پورا کرنے کی صلاحیت رکھتا ہے۔

پاک فوج کے شعبہ تعلقات عامہ (آئی ایس پی آر) کا کہنا ہے کہ تجربے کا مقصد آپریشنل تیاریوں کو بہتر بنانا ہے۔

میزائل تجربے کے موقع پرڈائریکٹرجنرل اسٹریٹجک کمانڈ ڈویژن، کمانڈر آرمی اسٹریٹیجک فورسز کمانڈ، چیئرمین نیس کوم، سینئر فوجی افسران، انجینئرز اور سائنسدان موجود تھے۔