پاکستانی صدراوروزیراعظم کی جانب سے عالم اسلام کوعید الفطرکی مبارک باد

صدر پاکستان ڈاکٹرعارف علوی نے عیدالفطر کے موقع پراپنے پیغام میں کہا کہ قوم اپنے اندر اخوت، بھائی چارے کوصلہ رحمی کو فروغ دے اور ذاتی، علاقائی اور فرقہ وارانہ تعصب سے بالاتر ہو کر ملک کی خوشحالی کے لیے کام کرے۔

صدر مملکت نے کہا کہ عید الفطر کا تہوار اسلامی اقدار اور روایات کا مجموعہ اور مذہبی تعلیمات کا آئینہ دار ہے۔

دوسری جانب وزیراعظم عمران خان نے عیدالفطر کے موقع پر اپنے پیغام میں کہا کہ کوئی بھی مستحق افراد کے ساتھ جوش وجذبے سے ان کی خوشیوں میں شریک ہو کر عید کا تہوار حقیقی معنوں میں منا سکتا ہے۔

انہوں نے کہا کہ حکومت نے ملک کو ترقی وخوشحالی کے راستے پرگامزن کرنے کے سفر کا آغاز کردیا ہے۔

وزیراعظم پاکستان نے کہا کہ ریاست مدینہ انسانی تاریخ میں ایک عظیم مثال ہے جو پورے بنی نوع انسان کے لیے رحمت اور فلاح کا باعث بنی۔

عمران خان نے اللہ تعالیٰ سے دعا کی کہ پاکستان کو امن وخوشحالی کا گہوارہ بنا دے جو ہر پاکستانی کی دلی تمنا ہے۔

واضح رہے کہ ایران اور پاکستان سمیت دنیا بھر میں عیدالفطرآج مذہبی جوش وجذبے کے ساتھ منائی جا رہی ہے۔