یمنی فوج کا سعودی ملک خالد ایئربیس پر ایک اور ڈرون حملہ

تسنیم خبررساں ادارے کی رپورٹ کے مطابق، یمنی سرکاری فوج اور اسلامی مزاحمتی تحریک انصاراللہ نے خمیس مشیط میں ملک خالد ائربیس پرایک بار پھر کامیاب ڈرون حملہ کیا ہے۔
المیسرہ نیوز نے خبر دی ہے کہ یمن سرکاری فوج کےترجمان یحیی السریع کا کہنا ہےکہ یمنی فوج اور عوامی رضاکار فورس کے ڈرون "قاصف k2" نے سعودی عرب کے خمیس مشیط کے ملک خالد ہوائی اڈے کو نشانہ بنایا۔
یمنی ذرائع کا کہنا ہے کہ ڈرون حملوں میں ملک خالد ائرپورٹ کے ریڈار سسٹم، ہتھیاروں کے گودام اور فوجی تنصیبات کو کامیابی سے نشانہ بنایا گیا ہے۔
یاد رہے کہ کہ یمنی سرکاری فوج اور عوامی رضاکار فورسزنے گزشتہ دنوں سعودی عرب کے تین اہم علاقوں ( نجران، جازان اور ابہاء) کے حساس مقامات پر ڈرون اور میزائل حملے کئے تھے۔