پاک افغان سرحد 24گھنٹے کھولنے کا افتتاح

تسنیم خبررساں ادارے کی رپورٹ کے مطابق، وزیراعلیٰ خیبر پختونخوا محمود خان نےپاک افغان سرحد طورخم کا ہنگامی دورہ کیا جہاں انہوں نے پاک افغان سرحد 24 گھنٹے کھولنے کے حوالے سے انتظامات کا جائزہ لیا۔

وزیر اعظم عمران خان آج پاک افغان سرحد 24 گھنٹے کھولنے کا باقاعدہ افتتاح کریں گے جس سے دونوں ممالک کے درمیان نہ صرف تعلقات میں بہتری آئے گی بلکہ دونوں ممالک سمیت وسطی ایشیا تک تجارتی سرگرمیوں کو فروغ ملنے کے ساتھ ساتھ پاکستانی برآمدات میں اضافہ ممکن ہوگا۔

اس موقع پر صحافیوں سے گفتگو کرتے ہوئے وزیر اعلیٰ نے واضح کیا کہ درہ خیبر کا مقام صدیوں سے تجارتی مرکز رہا ہے جس سے بھرپور استفادہ حاصل کرنے کیلئے وزیراعظم عمران خان کی ہدایات کے مطابق سرحد 24 گھنٹے کیلئے کھولی جارہی ہے۔