سعودی بادشاہ کا ذاتی باڈی گارڈ قتل

خبررساں ادارے تسنیم کے مطابق سعودی بادشاہ شاہ سلمان کے ذاتی باڈی گارڈ کرنل عبدالعزیز کو ایک تنازع کے دوران تکرار میں گولی مار دی گئی۔

زخمی حالت میں ان کو ہسپتال منتقل کیا گیا تاہم وہ جانبر نہ ہو سکے۔

ذرائع کے مطابق اس حوالے سے مزید کسی قسم کی تفصیلات جاری نہیں کی گئی ہیں البتہ سعودی سیکیورٹی ایجنسیوں نے تحقیقات کا آغاز کر دیا ہے ۔

واضح رہے کہ میجر جنرل عبدالعزیز الفغم کے اہل خانہ کی جانب سے بھی وفات کی تصدیق کردی گئی ہے۔