پاکستان کا ہوا سے 310 میگاواٹ بجلی بنانے کا منصوبہ

تسنیم خبررساں ادارے کی رپورٹ کے مطابق، دستخطی تقریب اسلام آباد میں ہوئی، تقریب سے خطاب کرتے ہوئے وزیراعظم عمران خان نے بتایا کہ ہواسےبجلی پیدا کرنے کے سپر 6منصوبوں پر 45کروڑ ڈالر لاگت آئے گی۔

انہوں نے کہا کہ یہ منصوبے عالمی مالیاتی کارپوریشن اور عالمی بینک کے مالی تعاون سے مکمل کیے جائین گے۔

وزیراعظم نے کہاپاکستان میں بجلی کے مہنگے منصوبوں کے پیچھے مختصر مدتی حکمت عملی ہے۔

انہوں نے مزید کہا کہ یہاں پن بجلی کے بجائے مہنگے درآمدی ایندھن سے بجلی کے منصو بے لگائے گئے۔انہوں نے کہاہوا سے بجلی کی پیداوار نہ صرف ماحول دوست بلکہ سستی بھی ہو گی۔

عمران خان کا کہنا تھا کہ انہیں ماحول دوست منصوبوں کے افتتاح پر دلی خوشی ہورہی ہے۔

عمران کے مطابق چین نے تیس سال میں ستر کروڑ لوگوں کو غربت سے نکالا۔چین نے اقتصادی کامیابی طویل مدتی حکمت عملی وضع کرکے حاصل کی۔