ایران؛ ادارہ حج و زیارت کے سربراہ کی سعودی وزیر سے ملاقات، اہم معاہدوں پر دستخط

اسلامی جمہوریہ ایران کے حج و زیارت کے ادارے کے سربراہ علی رضا رشیدیان نے جو سعودی عرب کے دورے پر ہیں کل رات ہونے والے اس مسودے پر دستخط کے بعد کہا کہ سعودی عرب کے حج و عمرہ کے وزیر''محمد صالح بن طاهر بنتن'' کے ساتھ ہونے والی ملاقات میں ایرانی حجاج کرام کی سکیورٹی،عزت و حفاظت اور کرامت پر تاکید کی گئی۔

 انہوں نے کہا کہ اس ملاقات میں ایرانی حجاج کو بہترین سہولتیں دینے، رہائش اور ٹرانسپورٹیشن کے حوالے سے بھی گفتگو ہوئی۔

ایران کے حج و زیارت کے ادارے کے سربراہ نےگذشتہ برسوں میں مدینہ منورہ میں ایرانی حجاج کی رہایش سے متعلق پیش آنے والے مسائل و مشکلات کی جانب اشارہ کرتے ہوئے کہا کہ ایرانی سرمایہ دار مدینہ منورہ میں مناسب ہوٹل بنانے کیلئے شراکت کرنے پرتیار ہیں۔

علی رضا رشیدیان نے منا میں شہید ہونے والے حجاج کے حق و حقوق سے متعلق کہا کہ سعودی عرب کے حج و عمرہ کے وزیر سے اس حوالے سے بھی گفتبگو ہوئی اور شہدا کے حقوق کے موضوع پر فوری کام کرنے پر تاکید کی گئی۔

واضح رہے کہ 2015 میں حج کے موقع پر منا میں سعودی حکام کے غیر ذمہ دارانہ اقدامات اور غلط تدبیر کی وجہ سے ایران کے 464 حجاج کے ساتھ ساتھ ہزاروں حجاج کرام شہید ہوئے تھے۔