مقتدا الصدر کا عراق سے امریکی فوج کے انخلا کا مطالبہ

تسنیم خبررساں ادارے کی رپورٹ کے مطابق، صدر پارٹی کے سربراہ علامہ سید مقتدا الصدر نے حشد الشعبی پر امریکی وحشیانہ حملے کی شدید مذّمت کرتے ہوئے کہا ہے کہ اب وقت آگیا ہے کہ امریکی فوج کو مکمل طور پر ملک سے باہر کیا جائے۔

انہوں نے کہا عراقی قوم سیاسی انتقام لینے کی کسی کوبھی اجازت نہیں دے گی۔

صدر نے ملک کی تمام سیاسی پارٹیوں سے کہا ہے کہ غیرملکی افواج کے فوری انخلاء کے لئے متحد ہوجائیں۔

دوسری طرف عراق کے مختلف شہروں میں امریکی وحشیانہ حملوں کے خلاف مظاہرے کئے جارہے ہیں۔

واضح رہے کہ امریکی فوج نے حشد الشعبی کے مراکزپر حملہ کیا تھا جس کے نتیجے میں 27 اہلکار شہید اور 50 سے زائد زخمی ہوئے تھے۔