ایرانی میزائل حملوں میں 80 امریکی اہلکار ہلاک، یہ تو انتقام کا آغاز ہے، جنرل کوثری


ایرانی میزائل حملوں میں 80 امریکی اہلکار ہلاک، یہ تو انتقام کا آغاز ہے، جنرل کوثری

سپاہ پاسداران کے ثار اللہ اہیڈ کواٹر کے کمانڈر بریگیڈیئر اسماعیل کوثری کا کہنا ہے کہ ایران جو نہیں کرسکتا وہ نہیں کہتا۔

تسنیم خبررساں ادارے کی رپورٹ کے مطابق، سپاہ پاسداران کے ثاراللہ ہیڈکوار ٹر کے ڈپٹی کمانڈر بریگیڈیئر اسماعیل کوثری نے کہا ہے کہ عین الاسد فوجی اڈے پر میزائلی حملہ، ابھی انتقام کا آغاز ہے۔

بریگیڈیئر اسماعیل کوثری نے کہا کہ جیسا کہ اس سے پہلے بھی کہا جاچکا ہے کہ اسلامی جمہوریہ ایران جو نہیں کرسکتا وہ نہیں کہتا۔

انھوں نے شہید جنرل قاسم سلیمانی کی شہادت کا انتقام لینے کی کارروائی کے آغاز کے بارے میں کہا کہ امریکی فوجیوں کو اس علاقے سے جانا ہی ہوگا۔

انھوں نے کہا کہ امریکی فوجیوں کو معلوم ہونا چاہئے کہ ایران انہیں چھوڑنے والا نہیں ہے۔بریگیڈیئر اسماعیل کوثری نے امریکی حکام اور رہنماؤں کو مخاطب کرکے کہا کہ انہیں ڈونلڈ ٹرمپ کے وحشیانہ جرائم اور شرپسندی کو روکنا چاہئے۔

سپاہ پاسدارن کے ثاراللہ ہیڈکواٹر کے ڈپٹی کمانڈر نے کہا کہ امریکیوں کو سمجھ لینا چاہئے کہ مغربی ایشیا ان کی قمار بازی کا میدان نہیں ہے

 

سب سے زیادہ دیکھی گئی دنیا خبریں
اہم ترین دنیا خبریں
اہم ترین خبریں
خبرنگار افتخاری