وزیر اعظم عمران خان کل کراچی کا دورہ کریں گے

وزیر اعظم عمران خان کل کراچی کا دورہ کریں گے اور مصروف دن گزاریں گے جس میں وزیر اعلیٰ اور گورنر سندھ سے ملاقات بھی شامل ہے۔

وزیر اعظم عمران خان کل کراچی کا دورہ کریں گے

تفصیلات کے مطابق وزیر اعظم عمران خان کل کراچی کا دورہ کریں گے، وزیر اعلیٰ سندھ مراد علی شاہ اور گورنر سندھ عمران اسماعیل ایئرپورٹ پر وزیر اعظم کا استقبال کریں گے۔

ذرائع کا کہنا ہے کہ وزیر اعظم کی وزیر اعلیٰ سندھ سے گورنر ہاؤس میں ملاقات بھی متوقع ہے، گورنر سندھ عمران اسماعیل بھی ملاقات میں موجود ہوں گے۔

وزیر اعظم بعد ازاں آئی جی سندھ کلیم امام سے بھی علیحدہ ملاقات کریں گے، وزیر اعظم کو کراچی پیکج سمیت وفاقی منصوبوں پر بریفنگ دی جائے گی۔

وزیر اعظم عمران خان گورنر ہاؤس میں دن گزاریں گے، وہ گورنر کے ظہرانے میں بھی شرکت کریں گے۔ وزیر اعظم کراچی میں تاجر برادری سے بھی ملاقات کریں گے اس کے بعد وزیر اعظم شوکت خانم اسپتال کے فنڈ ریزنگ پروگرام میں شرکت کریں گے۔

ذرائع کا کہنا ہے کہ وزیر اعظم کامیاب جوان پروگرام کے تحت چیک بھی تقسیم کریں گے، کامیاب جوان پروگرام کے تحت 50 لاکھ تک کا قرضہ دیا جا رہا ہے۔

سب سے زیادہ دیکھی گئی پاکستان خبریں
اہم ترین پاکستان خبریں
اہم ترین خبریں
خبرنگار افتخاری