پاک ایران سرحد کی بندش سے ایل پی جی کی قیمت میں ہوشربا اضافہ


پاک ایران سرحد کی بندش سے ایل پی جی کی قیمت میں ہوشربا اضافہ

اسلام آباد: کورونا وائرس کے باعث ایرانی سرحد بند ہونے کی وجہ سے پاکستان بھر میں ایل پی جی کی قیمت میں 50 روپے فی کلو تک اضافہ ہوگیا ہے۔

تسنیم خبررساں ادارے کی رپورٹ کے مطابق، ملک میں ایل پی جی کی قیمت 200 روپے فی کلو سے تجاوز کر گئی۔گھریلو سلنڈر کی قیمت میں 500 جبکہ کمرشل سلنڈر دو ہزار روپے تک مہنگا ہوگیا ہے۔

ذرائع کا کہنا ہے کہ ایران سے یومیہ ایک ہزار میٹرک ٹن ایل پی جی درآمد کی جا رہی تھی۔

 فراہمی بند ہونے سے قیمتوں میں اضافہ ہوا۔سرحد کی بندش سے درجنوں ایل پی جی کنٹینرز پاک ایران سرحد پر پھنس گئے ہیں اور ملک میں یل پی جی بحران شدت اختیار کرنے کا خدشہ پیدا ہوگیا ہے۔

ذرائع کا کہنا ہے کہ پاکستان میں ایل پی جی سیکٹر کیلئے کوئی طویل المدتی پالیسی موجود نہیں ہے۔

ایل پی جی ڈسٹری بیوٹرزایسوسی ایشن نے حکومت سے  صورتحال کا فوری نوٹس لینے کا مطالبہ کیا ہے۔ایل پی جی ڈسٹری بیوٹرز ایسوسی ایشن کا کہنا ہے کہ حکومت بحران سے بچنے کے لئے متبادل آپشنز پر غور کرے۔

اہم ترین پاکستان خبریں
اہم ترین خبریں
خبرنگار افتخاری