ہم بھارتی مسلمانوں پر ظلم و ستم جاری رہنے کی اجازت نہیں دیں گے/ علاءالدین بروجردی


ہم بھارتی مسلمانوں پر ظلم و ستم جاری رہنے کی اجازت نہیں دیں گے/ علاءالدین بروجردی

اسلامی جمہوریہ ایران کی پارلیمنٹ کی قومی سلامتی کے رکن علاءالدین بروجردی نے بھارتی مسلمانوں کے خلاف بھارتی حکومت کے بھیانک مظالم کی مذمت کرتے ہوئے کہا ہے کہ ہم بھارتی مسلمانوں کے ساتھ ہیں بھارتی حکومت کو انھیں ظلم و ستم کا نشانہ بنانے کی اجازت نہیں دیں گے ۔

تسنیم نیوز کے مطابق، اسلامی جمہوریہ ایران کی پارلیمنٹ کی قومی سلامتی کے رکن علاءالدین بروجردی نے مسلمانوں کے خلاف بھارتی حکومت کے بھیانک مظالم کی مذمت کرتے ہوئے کہا ہے کہ ہم بھارتی مسلمانوں کے ساتھ ہیں بھارتی حکومت کو انھیں ظلم و ستم کا نشانہ بنانے کی اجازت نہیں دیں گے۔

انھوں نے ایرانی حکام پر زور دیا کہ وہ اس سلسلے میں صرف بھارتی سفیر کو طلب کرنے پر اکتفا نہ کریں بلکہ بھارتی حکومت کے ظالمانہ اور بہیمانہ اقدامات کے خلاف جامع اقدامات کی ضرورت ہے بھارت کی موجودہ حکومت بھارت میں امریکی اور اسرائیل ایجنڈے پر کام کر رہی ہے اور ہندو دہشت گردوں کی پشتپناہی کرکے وہ مسلمانوں کو ان کے بنیادی حقوق سے محروم کرنا چاہتی ہے۔

 انھوں نے کہا کہ بھارت مختلف اقوام اور مذاہب کا گہوارہ ہے بھارت مدیریت کے لحاظ سے خاص حساسیت کا حامل ملک ہے۔ علاء الدین بروجردی نے کہا کہ امریکی حکام ہمیشہ انسانی حقوق کی حمایت کا دعوی کرتے ہیں لیکن وہ بھی بھارت میں مسلمانوں پر ہونے والے وحشیانہ مظالم پر خاموش تماشائی بنے ہوئے ہیں۔

انھوں نے کہا کہ ایران بھارتی مسلمانوں کو تنہا نہیں چھوڑےگا ہمارے حکام نے کورونا کے دباؤ کے باوجود بھارتی حکومت کے ظالمانہ اقدامات کے خلاف آواز بلند کی ہے۔

ایرانی حکام اس سلسلے میں اپنی قانونی ذمہ داریوں پر عمل کریں گے اور تہران میں بھارتی سفیر کو وزارت خارجہ میں طلب کرنے پر اکتفا نہیں کریں گے بلکہ مزید اقدامات عمل میں لائیں گے۔

 

سب سے زیادہ دیکھی گئی دنیا خبریں
اہم ترین دنیا خبریں
اہم ترین خبریں
خبرنگار افتخاری