ابوظہبی؛ شیخ محمد بن زید کا وزیراعظم عمران خان سے ٹیلیفونک رابطہ


ابوظہبی؛ شیخ محمد بن زید کا وزیراعظم عمران خان سے ٹیلیفونک رابطہ

ابوظہبی کےولی عہد شیخ محمدبن زید نے وزیراعظم عمران خان سے رابطہ کرکے پی آئی اےطیارہ حادثےپراظہارافسوس کیا جبکہ وزیراعظم نے پاکستانی قیدیوں کی بروقت رہائی پر ولی عہد کا شکریہ ادا  کیا۔

تسنیم خبررساں ادارے کی رپورٹ کے مطابق، وزیراعظم عمران خان سے ابوظہبی کےولی عہد شیخ محمدبن زید کا ٹیلی فونک رابطہ ہوا، شیخ محمدبن زید نے پی آئی اےطیارہ حادثےپراظہارافسوس کرتے ہوئے قیمتی جانوں کےنقصان پراظہارتعزیت کیا۔
دونوں رہنماؤں کی گفتگو میں عالمی وباسےنمٹنےکیلئےدوطرفہ تعاون بڑھانےپرتبادلہ خیال کیا گیا ، وزیراعظم نےپاکستانی قیدیوں کی بروقت رہائی پرولی عہدکاشکریہ اداکیا اور عالمی وبا کا پھیلاؤروکنےکیلئےیواےای کےاقدامات کی تعریف بھی کی۔
وزیراعظم نے ابوظہبی کےولی عہد کو کوروناروک تھام کیلئے حکومت پاکستان کے اقدامات سے آگاہ کرتے ہوئے کہا بروقت اقدامات نہ کرتےتوترقی پذیر ممالک کوسنگین نتائج کا سامنا ہوتا جبکہ ترقی پذیرممالک کیلئےقرض ریلیف کےعالمی اقدامات کی ضرورت پرزوردیا۔
دونوں رہنماؤں کےدرمیان مقبوضہ کشمیرکی بگڑتی صورتحال پر بھی بات چیت ہوئی، وزیراعظم نے بھارت کی جانب سےمقبوضہ کشمیرمیں شدت پسندی کی کوششوں کی مذمت کرتے ہوئے کہا بھارتی اقدامات سلامتی کونسل قراردادوں کی واضح خلاف ورزی ہے، عالمی اداروں نےمقبوضہ کشمیرکی صورتحال پراظہارتشویش کیا۔
وزیراعظم نے مقبوضہ کشمیرپراوآئی سی اور عالمی اداروں کے بیانات کی تعریف کرتے ہوئے کہا عالمی برادری مسلمان مخالف بھارتی حکومت کا پروپیگنڈا مستردکرے۔
دونوں رہنماؤں نے باہمی تعاون کومزید مستحکم کرنے اور کوروناوائرس کےتدارک کیلئےمشترکہ کوششوں پربھی اتفاق کیا۔

 

سب سے زیادہ دیکھی گئی پاکستان خبریں
اہم ترین پاکستان خبریں
اہم ترین خبریں
خبرنگار افتخاری