اسلام آباد میں سکیورٹی نظام مزید سخت کرنے کا فیصلہ

تسنیم خبررساں ادارے کےمطابق، آئی جی اسلام آبادمحمد عامر ذوالفقار خان کی زیرصدارت منگل کو اجلاس ہوا جس میں قانون نافذ کرنے والے اداروں کے حکام اور ڈی آئی جی آپریشنز وقار الدین سید، ایس ایس پی سیکورٹی، اے آئی جی سپیشل برانچ نے شرکت کی۔

 اجلاس میں ملکی حالات کے پیش نظر وفاقی دارالحکومت میں سیکورٹی انتظامات کا از سر نو جائزہ لیا گیا اور فیصلہ کیا گیا کہ تمام ناکوں پر جدید ٹیکنالوجی سے لیس کیمرے نصب کیے جائیں گے، جو سیف سٹی سے منسلک ہوں گے، آئی جی نے کہا کہ وفاقی دارالحکومت کو محفوظ بنائیں گے۔

اجلاس میں سپیشل برانچ کو بھی فرنٹلائن کی ذمہ داریاں سونپنے کا فیصلہ کیا گیا ہے۔