راولپنڈی دھماکے کی ابتدائی تحقیقی رپورٹ جاری

تسنیم خبررساں ادارے کی رپورٹ کے مطابق، ترجمان سی ٹی ڈی کا کہنا ہے کہ  راولپنڈی دھماکہ کوئلہ سینٹر چوک صدر بازار میں 8 بجکر 43 منٹ پر ہوا جس میں آفرین نامی شخص جاں بحق جب کہ 10 افراد زخمی ہوئے۔

ترجمان سی ٹی ڈی کا کہنا تھا کہ دھماکے میں آئی ای ڈی مواد استعمال کیا گیا جو ایک الیکٹرک پول کے قریب نصب کیا گیا، بارودی مواد کی بھاری مقدار استعمال کی گئی تاہم  بال بیئرنگ استعمال ہونے کے شواہد نہیں ملے جب کہ دھماکے کی جگہ پر گڑھا بھی موجود ہے۔

اس کے علاوہ دھماکے سے پھلوں کی 2 ریڑھیاں اور 2 موٹر سائیکلیں تباہ ہوئیں۔