پاکستان میں کرونا کیسز اور اموات میں زبردست کمی

اسلام آباد: پاکستان میں کرونا کیسز اور اموات میں بتدریج کمی ریکارڈ کی جارہی ہے۔

تسنیم خبررساں ادارے کی رپورٹ کے مطابق، کرونا کیسز اور اموات میں کمی، اسمارٹ لاک ڈاؤن کی کامیاب حکمت عملی کے بعد سے دیکھا گیا ہے۔

نیشنل کمانڈ اینڈ آپریشن سینٹر(این سی او سی) کی جانب سے جاری کردہ تازہ رپورٹ میں کہا گیا ہےکہ ملک میں 24گھنٹوں کے دوران کرونا 841 کیسز سامنے آئے اور 19اموات ہوئیں۔

این سی او سی کے مطابق 24گھنٹے میں ملک میں22ہزار930ٹیسٹ کیے گئے۔ جبکہ سندھ میں انہی گھنٹوں کے دوران 11ہزار555ٹیسٹ ہوئے۔ پنجاب میں24گھنٹے میں7ہزار276ٹیسٹ کیے گئے۔

خیبرپختونخوا میں 1545، اسلام آباد1456 اور بلوچستان میں 378ٹیسٹ کیے گئے۔

این سی او سی نے بتایا کہ آزادکشمیر میں620 اور گلگت بلتستان میں 100ٹیسٹ کیے گئے۔ ملک بھر میں اب تک کرونا کے 2لاکھ 48ہزار27مریض صحت یاب ہو چکے ہیں، آزادکشمیر، جی بی اور بلوچستان میں کوئی مریض وینٹی لیٹر پر نہیں ہے، تمام مریضوں تقریباً صحت مند ہیں۔

’ ملک میں کرونا کے لیے مختص1859وینٹی لیٹرز میں سے225پر مریض ہیں۔ پاکستان میں کرونا کے فعال کیسز کی تعداد 25149 ہے جبکہ کرونا وائرس سے جاں بحق ہونے والوں کی تعداد5970ہوگئی ہے۔