الجیریا کے وزیر اعظم کا اسلامی بینکاری نظام متعارف کروانے کا اعلان

تسنیم خبر رساں ادارے کی رپورٹ کے مطابق ملک کی جدوجہد کرنے والی معیشت کو ٹھیک کرنے کے لئے ، الجیریا نے غیر رسمی منڈی سے پیسہ کمانے کے لئے اسلامی مالیات کا رخ کیا ہے ، لیکن بینکر اس خیال پر شکوک و شبہات کا شکار ہیں۔
 
شمالی افریقہ کے اس ملک کے حکام اور ماہرین نے تیل کی گرتی ہوئی قیمتوں اور کورونا وائرس کے پیشِ نظر ملک کو بری طرح متاثرہوتا دیکھ کر خطرے کی گھنٹی بجا دی ہے۔

بین الاقوامی مالیاتی فنڈ (آئی ایم ایف) کی پیشن گوئی کے مطابق الجیریا کی معیشت اس سال 5.2 فیصد سکڑ جائے گی۔

وزیر اعظم عبد العزیز ڈیجیرڈ نے "غیر معمولی معاشی صورتحال" کے بارے میں متنبہ کیا ہے ، اور ماہرین نے بے روزگاری کا تخمینہ لگ بھگ 15٪ کیا ہے۔

اسلامی مالیات کے ماہر پروفیسر محمد بودجیلال نے کہا، الجیریا جو کہ 43 ملین افراد پر مشتمل افریقہ کا سب سے بڑا ملک ہے اسکا زیادہ تر لین دین باقاعدہ بینکاری کے شعبے سے باہر نقد کی صورت میں ہوتا ہے۔

بودجیلال نے کہا کہ بہت سارے الجزائری افراد روایتی بینکاری میں "اپنی ناک پھیر لیتے ہیں۔ کچھ مسلمان سمجھتے ہیں کہ روایتی بینکاری نظام ان کے عقیدے سے مطابقت نہیں رکھتا۔ "

اسلامی مالیاتی نظام جوکہ مذہبی قوانین کے مطابق مالی خدمات کی فراہمی کرتا ہے، ایک بہت تیزی سے ترقی کرنے والا نظام ہے جو بہت سے مسلم ممالک میں اپنایا گیا ہے۔