پاکستان میں فوری انتخابات کرائے جائیں!

تسنیم خبررساں ادارے کے مطابق، اپوزیشن جماعتوں کا کہنا ہے کہ ملک میں فوری  نئے انتخابات  کرائے جائیں، آئین کی بالادستی چاہئے،ہر ادارہ آئینی ذمہ داریاں سرانجام دے کوئی ادارہ کسی کے کام میں مداخلت نہ کرے،پارلیمنٹ بالادست ہو، الیکشن کمیشن کی ازسر نو تشکیل کی جائے،ایسا الیکشن کمیشن ہو جس میں کوئی مداخلت نہ کرسکے، پہلے مرحلے پر رہبر کمیٹی کا اجلاس ہوگا،تجاویز مرتب کی جائیں گی،اے پی سی ایجنڈا بنائیں گے۔

اجلاس کے بعد میڈیاکو بریفنگ دیتے ہوئے جمعیت علمائے اسلام(ف) کے سربراہ مولانا فضل الرحمن نے کہا ہے کہ جمعرات کو  یہاں اپوزیشن کی دس  جماعتوں کا اجلاس ہوا ہے جنہیں ایک ہفتہ پہلے دعوت دی تھی،ان جماعتوں نے حالیہ سیاسی حالات پر تجزیہ کرسکیں۔

انہوں نے کہا کہ  میر حاصل بزنجو کی وفات کی وجہ سے پہلے ہونے والا یہ اجلاس آج ہوا ہے،شہبازشریف تشریف لائے تھے اپنے اخلاقی فرض کے تحت اپنے ان تمام ساتھیوں کو اعتماد میں لینا ضروری تھا۔

اتفاق رائے سے اعادہ کیا ہے پچیس جولائی 2018کاالیکشن فراڈ تھا،اس وقت نتائج تسلیم نہیں کئے تھے  ہم نے آج پھر نئے انتخابات کا مطالبہ کیا ہے۔