یمن کے علاقے الحدیدہ پر سعودی وحشیانہ حملہ، 46 شہید 38 زخمی

تسنیم خبررساں ادارے نے المیسرہ کے حوالے سے نقل کیا ہے کہ سعودی جنگی طیاروں نے الزیدیہ کےعلاقے میں ایک عمارت کو اپنے وحشیانہ حملوں کا نشانہ بنا کر 46 افراد کو شہید اور 38 کو شدید زخمی کردیا ہے۔

المیسرہ کے ذرائع ابلاغ کا کہنا ہے کہ شہدا کی تعداد میں اضافے کا خدشہ پایا جاتا ہے۔

واضح رہے کہ الحدیدہ کے مرکزی ہسپتال کے عملے کا کہنا ہے کہ زخمیوں کے لئے خون کے عطیوں کی ضرورت ہے اور انہوں نے علاقے کے عوام سے اپیل کی ہے کہ جلد از جلد زخمیوں کی جان بچانے کے لئے خون کا عطیہ دیں۔

یاد رہے کہ کل بھی سعودی جنگی طیاروں نے یمن کے مختلف علاقوں پر انسان دشمن حملے کئے تھے جس میں 26 نہتے یمنی شہید اور 10 افراد زخمی ہوگئے تھے۔

سعودی عرب یمن میں بے گناہ لوگوں کا خون بہانے پر تلا ہوا ہے اور بین الاقوامی برادری خاموش تماشائی بنی ہوئی ہے۔