وضعیت امنیتی افغانستان محور تماس اشرف غنی با رحمان

به گزارش دفتر منطقه‌ای خبرگزاری تسنیم، «اشرف غنی» رئیس جمهور افغانستان در تماس تلفنی با «امامعلی رحمان» همتای تاجیکستانی خود درباره «پیشرفت نگران‌کننده وضعیت نظامی و سیاسی» در افغانستان گفت‌وگو کردند.

براساس بیانیه منتشر شده توسط رسانه تاجیکستانی «خاور»، در این دیدار دو طرف بطور ویژه درباره وخیم شدن اوضاع در مناطق شمالی افغانستان و هم مرز با تاجیکستان بحث و تبادل‌نظر نمودند.

خاور افزود که رحمان نگرانی خویش از موارد عبور اجباری نیروهای امنیتی افغان از مرزهای تاجیکستان را به اشرف غنی اطلاع داد.

رسانه تاجیکستانی نوشت: با این حال تاکید شد که موضع قوی تاجیکستان در مورد اوضاع افغانستان ناشی از عدم مداخله در امور داخلی این کشور و پشتیبانی کامل از تلاش‌های دولت رسمی این کشور برای برقراری صلح، ثبات و امنیت در افغانستان است.

رؤسای جمهوری افغانستان و تاجیکستان همچنین پیرامون سایر مسایل روابط دوجانبه، از جمله در زمینه امنیت، با تاکید بر لزوم تامین امنیت مرزها تبادل نظر کردند.

این درحالی است که رسانه‌های تاجیکستانی روز شنبه گزارش داده بودند که بیش از 300 نفر از نیروهای امنیتی افغانستان، پس از درگیری با طالبان در ولایت بدخشان، به تاجیکستان عقب‌نشینی کردند.

پیش از این نیز بیش از 130 نیروی امنیتی افغان از طریق گذرگاه مرزی «شیرخان بندر» در ولایت قندوز وارد خاک تاجیکستان شده بودند.

انتهای پیام/.