به گزارش خبرگزاری تسنیم از زنجان، استاد ابراهیم‌ نوربخش شاعر آیینی استان زنجان جدیدترین سروده ترکی خود را با عنوان "یلدا گئجه سی" به مناسبت شب یلدا تقدیم خبرگزاری تسنیم کرد.

گوزلیم لطف ایلیوب گل بیزه یلدا گئجه سی

گل قوناق اول انارا قارپیزا یلدا گئجه سی

خوش دئیه ک خوش دانیشاق غصه و غم داشین آتاق 

اوتوراق صحبت ایدک اوز اوزه یلدا گئجه سی

فال آچوب بو گیجه ده طالعیزی سیز گوره سیز

دیه سیز نیتیزی حافظه یلدا گئجه سی

اولاسیز شاد و خرامان اولا سیز تازه لباس

اولدوقوندان گیه سیز اگنیزه یلدا گئجه سی

ساخلاسین الله اوزی جمله آفاتیندن

گوروم هیچ گلمیه سیز پیس گوزه یلدا گئجه سی

گول گورسم اگر ای قدی رعنا گوزلیم

باخمارام هیچ گوله یا نرگیزه یلدا گئجه سی

نازنین گل قدمین قوی گوزوم اوسته باری

منده گللم گلن ایلده سیزه یلدا گئجه سی

قورولوق ایتمیش هامی خلق خدانی نگران

نه اولور قار یاغا داغا دوزه یلدا گئجه سی

یاغا اشباع ایلیه بلکه هامی اولکه لری

نه فقط زنجانا یا تبریزه یلدا گئجه سی

نه عجب رسمیدور الله بونا هیچ یوخ سوزوموز

آپارا چیلله لیک اوغلان قیزا یلدا گئجه سی

نوربخشا بئله بیرگون دا چتیندیر تاپیلا

ویرمه فرصت آجیلا هم موزا یلدا گئجه سی

شب یلدا یا چیلله گئجه سی، بو گوزل رسملری ساخلیانلارا، مبارک اولسون.

انتهای پیام/